مہاراشٹر میں 22 جنوری کی تعطیل کو چیلنج کرنے والی پٹیشن مسترد

 

ممبئی ہائی کورٹ نے ایودھیا میں رام مندر کی تقریب کے موقع پر مہاراشٹر حکومت کی جانب سے 22 جنوری کو سرکاری تعطیلات دیئے جانے کے فیصلے کے خلاف دائر کردہ عرضداشت کو مسترد کردیا ہے۔ اس طرح سے حکومت کے فیصلے کو جائز قرار دیا ۔ جسٹس گریش کلکرنی اور نیلا گوکھلے کر مشتمل بینچ جو ایودھیا میں تقریب سے قبل اس عرضداشت کی فوری سماعت کیلئے تشکیل دی گئی تھی انہوں نے اپنے حکم میں کہا کہ "عرضداشت غیر قانونی وجوہات اور قانون کے عمل کی صریح غلط استعمال کی وجہ سے دائر کی گئی ہے ۔ یہ سیاسی طور پر محرک معلوم ہوتی ہے اور محظ شہرت حاصل کرنے کے ارادے سے داخل کی گئی درخواست لگتی ہے ۔ 

  معلوم ہوکہ مہاراشٹر حکومت نے 19 جنوری کو ایک نوٹیفکیشن جاری کیا ہے ۔ جس میں 22 جنوری کو سرکاری تعطیلات کا اعلان کیا گیا تھا ۔ اسی کو لیکر قانون کے کچھ طلباء ہائی کورٹ میں ایک عرضی فوری سماعت کیلئے دائر کی تھی ۔ جس کو ہائی کورٹ نے مسترد کردیا ہے ۔