مالیگاوں لوکل : معصوم محمد کیف کی خبر سن کر سہم گئے لوگ ۔۔۔۔ اس معاملے میں مکمل تفتیش ہونا ضروری

 

مالیگاوں (نامہ نگار) شہر کے سوشل میڈیا پر ہر روز کسی نہ کسی بچے ، نوجوان اور ضعیف العمر شخصیات کے گمشدہ ہونے کی خبریں موصول ہوتی ہیں ۔ جس پر شہر کے کچھ چنندہ سماجی ورکر آپی مصروفیات کو بالائے طاق رکھتے ہوئے انہیں تلاش کرنے میں مصروف رہتے ہیں ۔ اسی کڑی میں گزشتہ 12 دنوں سے لا پتہ رہنے والا معصوم بچہ جو مالیگاوں سینٹرل کے سروے نمبر 42 میں رہتا تھا نہ معلوم وجوہات کی بنا پر یہ لا پتہ ہوگیا تھا ۔جس کی اطلاع ملتے ہی گھر کے افراد ، سماجی ورکرز اور پولس انتظامیہ  اس معصوم کی تلاش میں تھی ۔ لیکن ہر روز کوئی خوشحال نتیجہ ظاہر نہ ہوتا البتہ شہر بھر کے سوشل میڈیا پر گزشتہ 12 دنوں سے اس بچے کی تصویر وائرل کی جارہی تھی ۔ لیکن کوئی مطمعین بخش جواب نہیں ملتا ۔۔۔

آج جب نعش ملی

معلوم ہوکہ اس معصوم کیف کی نعش آج چاندوڑ گھاٹ کے پیچھے ملی ۔ جس کی اطلاع ملتے ہیں شہر کے سماجی ورکرز اور عائشہ نگر پولس عملہ نے فوراً موقع پر پہنچ کر مرحوم کیف کو اپنے طابے میں لیا اور قانونی مراحل کی تکمیل کیلئے روانہ کیا ۔ اس طرح کی خبر سماجی ورکر شفیق اینٹی کرپشن نے میڈیا کو دی ۔ آخر معصوم  کیف کے ساتھ کیا ہوا ہوگا ؟؟ اس کا مکمل خلاصہ ہونا ابھی باقی ہے پولس نے تسلی دیتے ہوئے جلد از جلد نعش کو لواحقین کے سپرد کرنے کا تیقن دیا ۔

مالیگاوں شہر جیسے حساس شہر میں اس طرح کی واردات رونما ہونا انتظامیہ پر سوالیہ نشان کھڑا کرتا ہے ! امید کی جاتی ہے کہ ہمارے سیاسی لیڈران اس معاملے کی مکمل تفتیش ضرور کروائیں گے اور شہریان کو مطمعین بخش جواب دینگے ۔