سماج وادی پارٹی سنبھل کےرکن پارلیمنٹ شفیق الرحمان برق کاانتقال، 94کی عمرمیں لی آخری سانس

 

سماج وادی پارٹی سنبھل کے ایم پی شفیق الرحمان برق کا منگل کو طویل علالت کے بعد انتقال ہوگیا۔ وہ 94 سال کے تھے۔ سماج وادی پارٹی نے 2024 کے لوک سبھا انتخابات کے لیے سنبھل سے امیدوار بھی بنایاتھا۔ شفیق الرحمان برق طویل عرصے سے علیل تھے اور انہیں مراد آباد کے ایک اسپتال میں داخل کرایا گیا تھا۔ حال ہی میں ایس پی سربراہ اکھلیش یادو بھی ان سے ملنے اسپتال گئے تھے۔

نماز جنازہ اور تدفین کی تفصیل

سماج وادی پارٹی کے رکن پارلیمنٹ ڈاکٹر شفیق الرحمان برق کے انتقال کے بعد اترپردیش میں غم کی لہر ڈور گئی ہے۔ شفیق الرحمان برق کی نماز جنازہ بعد نماز عصرمسجد انجمن میں نخاسہ سنبھل میں اداکی جائیگی جبکہ تدفین ان کے آبائی قبرستان دریا سر میں عمل آئی گی۔ ڈاکٹر شفیق الرحمان برق کے انتقال پر کئی اہم شخصیات نے دکھ کا اظہارکیاہے۔

تقریباً 57 سال قبل ایم پی ڈاکٹر شفیق الرحمان برق نے اپنے سیاسی کیرئیر کا آغاز کیا۔ جہاں چودھری چرن سنگھ کے رابطے میں آنے کے بعد سیاست کے میدان میں قدم رکھا اور آگے بڑھے۔ کیونکہ سنبھل مسلمانوں کا گڑھ رہا ہے اور اس کی وجہ سے انہوں نے ایک مسلم لیڈر کے طور پر اپنی ایک الگ پہچان بنائی۔

سنبھل لوک سبھا کے رکن پارلیمنٹ ڈاکٹر شفیق الرحمان برق ، پارلیمنٹ کے سب سے معمر رکن پارلیمنٹ ہیں اس لئے وزیراعظم نریندر مودی نے بھی انہیں مبارکباد دی۔ ایم پی ڈاکٹر برق کی اپنی الگ پہچان ہے۔ یہی نہیں، اپنی عمر کے بارے میں ٹی وی شو کون بنے گا کروڑ پتی پروگرام کے دوران ہاٹ سیٹ پر بیٹھے امیتابھ بچن نے شرکا سے سوال بھی کیا تھا کہ سب سے معمر رکن پارلیمنٹ کون ہے؟ ویسے ڈاکٹر شفیق الرحمان برق نہ صرف سنبھل سے بلکہ مرادآباد لوک سبھا سے بھی رکن پارلیمنٹ رہ چکے ہیں اور یہی وجہ ہے کہ نہ صرف سنبھل بلکہ مرادآباد میں بھی سبھی انہیں ان کے نام سے جانتے ہیں۔