آج راشٹروادی کانگریس پارٹی کے ہونے والے اس پروگرام میں سیاسی مخالفین کو دیا جائیگا منہ توڑ جواب ، فائرنگ معاملے پر بھی ہوگا بڑا خلاصہ

 

مالیگاوں / شہری حالات اور فائرنگ کو لیکر جو ماحول شہر بھر میں بنایا گیا ہے اور ابھی تک بنایا جارہا ہے اسے صرف اور صرف سیاسی حسد کی بدبو آتی ہے ، سیاسی مخالفین راشٹروادی کانگریس پارٹی کا نام لیکر ہمیں بدنام کرنے کی ہر ممکن کوشش کررہے ہیں ، لیکن وہ ہر بار ناکام ہو جاتے ہیں اور اللہ تبارک و تعالیٰ ہمیں عزت سے نوازتے رہتا ہے ۔ لوگ الزام لگاتے ہیں تو لگانے دیں ، یہ ان کے جھوٹے الزامات ہونگے ۔(جاری)

اس طرح کا بیان مالیگاوں شہر ضلع راشٹروادی کانگریس پارٹی کے صدر آصف شیخ نے ایک پریس ریلیز جاری کرتے ہوئے دیا ہے ۔ آصف شیخ نے کہا کہ 23 جون بروز اتوار یعنی آج شام سات بجے سے رات دس بجے تک گلشن آباد عباس نگر چوک داؤد سیٹھ کمپاونڈ میں ہنگامہ جنرل میٹنگ کا انعقاد کیا جارہا ہے اس میٹنگ میں سیاسی مخالفین کی سازش اور الزامات کا منہ توڑ جواب دیا جائیگا ۔ (جاری)

اس میٹنگ میں آصف شیخ رشید اور سیاسی لیڈران اور سیاست میں مذہبی تنظیموں کے استعمال کے تعلق سے بھی سنسنی خیز خلاصہ کرینگے ، اس طرح شہر میں ہتھیاروں کی اسمگلنگ ، ہتھیار کہاں سے آرہے ہیں ؟ اور کون لا رہا ہے ۔ وہیں ماضی قریب میں گذرنے والی عید الضحیٰ کے مؤقع پر مسلمانانِ شہر کو جو تکالیف دی گئی ، پولس کی جانب سے جانور کی پکڑ دھکڑ کی گئی اسی کے ساتھ ہونے والی اس جنرل میٹنگ میں بالخصوص فائرنگ معاملے میں دودھ کا دودھ اور پانی کا پانی کیا جائیگا ۔ اس ضمن میں راشٹروادی کانگریس پارٹی کے تمام ورکروں اور عہدیداروں اور ہمدردوں سے اپیل کی جاتی ہیکہ اس اہم جنرل میٹنگ میں شرکت کرتے ہوئے پارٹی کیساتھ ہمدردی کا ثبوت دیں ۔