نتائج کے بعد راہل گاندھی کا پہلا بیان ، حکومت بنانے کو لیکر بڑا خلاصہ

 

رائے بریلی یا وائناڈ، اپوزیشن میں یا سرکار میں رہیں گے، لوک سبھا انتخابات نتائج کے بعد راہل گاندھی نے ہر ایک سوال کا دیا جواب!

نئی دہلی: کانگریس لیڈر راہل گاندھی نے لوک سبھا انتخابات کے نتائج کے بعد پریس کانفرنس کی۔ انہوں نے ہر سوال کا جواب دیا کہ وہ رائے بریلی میں ہوں گے یا وائناڈ میں، اپوزیشن میں رہیں گے یا حکومت میں۔ انہوں نے کہا کہ عوام نے بی جے پی کا حساب کردیا ہے۔ ملک نے مودی کو مسترد کر دیا ہے۔ یہ الیکشن صرف ایک سیاسی جماعت کے خلاف نہیں تھا۔ ہم نے ایک پارٹی، ایک حکومتی ڈھانچہ، سی بی آئی، ای ڈی کے خلاف جنگ لڑی۔ کیونکہ ان اداروں پر مودی اور امت شاہ کا قبضہ تھا۔(جاری)

راہل گاندھی نے کہا کہ یہ لڑائی آئین کو بچانے کے لیے تھی۔ جب اس کا بینک اکاؤنٹ فریز کر دیا گیا۔ جب وزرائے اعلیٰ کو جیل میں ڈالا گیا تو مجھے یقین تھا کہ ہندوستانی عوام ان کی چال کو کامیاب نہیں ہونے دیں گے۔ عوام کا تہہ دل سے شکریہ۔ آپ نے آئین کو بچانے کے لیے پہلا اور سب سے بڑا قدم اٹھالیا ہے۔ ہم حکومتی اداروں کے خلاف لڑے، جہاں بھی اتحاد ہوا ہم ایک ہو کر لڑے۔ کانگریس نے ملک کو ایک نیا ویژن دیدیا ہے۔ ہم ان کی کوششوں کو کامیاب نہیں ہونے دیں گے۔ کیے گئے وعدے پورے کریں گے۔ کانگریس لیڈر راہل گاندھی نے کہا کہ کل انڈیا اتحاد کے لیڈروں کی میٹنگ ہے۔ اتحادی لیڈرس جو بھی فیصلہ کریں گے وہی حتمی فیصلہ ہوگا۔ ہم اپنے اتحادیوں اور ساتھیوں سے بات کرنے کے بعد ہی فیصلہ کریں گے کہ حکومت سازی کے بارے میں کیا کرنا ہے۔ کانگریس اکیلی نہیں ہے۔ ہمارے ساتھ اور بھی کئی جماعتیں ہیں۔ ان کے ساتھ میٹنگ کریں گے، کیونکہ آج واقعی ہمارے پاس اس کا جواب نہیں ہے۔(جاری)

کانگریس صدر ملکارجن کھڑگے نے کہا کہ یہ لڑائی مودی اور عوام کے درمیان تھی۔ عوام نے یہ جنگ جیت لی ہے۔ یہ جمہوریت کی جیت ہے۔ یہ وزیر اعظم نریندر مودی کی اخلاقی شکست ہے۔ ہم عوامی رائے کو قبول کرتے ہیں۔ عوام نے کسی ایک جماعت کو اکثریت نہیں دی ہے۔ وزیر اعظم نے کانگریس کے منشور کے بارے میں جو جھوٹ پھیلایا، اس کو عوام سمجھ گئے۔ یہ الیکشن مدتوں یاد رکھا جائے گا۔ کھڑگے نے مزید کہا کہ راہل گاندھی کے دورے سے کانگریس کو فائدہ ہوا ہے۔ کانگریس انصاف کی ضمانت لے کر آئی ہے، عوام نے اس پر اعتماد ظاہر کیا ہے۔ عوام سمجھ گئے کہ اگر بی جے پی کو مزید طاقت دی گئی تو اگلا حملہ آئین اور ریزرویشن پر ہوگا۔ عوام نے بی جے پی کی اس سازش کو ناکام بنا دیا۔