جالنا: مہاراشٹر کے جالنا میں مسافروں سے بھری ٹیکسی سڑک کے کنارے کنویں میں گر گئی۔ اس حادثے میں سات افراد کی موت ہو گئی جبکہ تین زخمی ہو گئے۔ جانکاری کے مطابق یہ حادثہ جالنا ضلع کے راجور کے نزدیک کھڈیشور بابا مندر کے قریب پیش آیا۔ ٹیکسی اور دو پہیہ گاڑی کے درمیان تصادم ہوا۔(جاری)
جالنا سے راجور جاتے ہوئے حادثہ پیش آیا
معلومات کے مطابق بائک سے ٹکرانے کے بعد ٹیکسی سڑک کے کنارے کنویں میں گر گئی۔ بتایا جاتا ہے کہ ٹیکسی میں تقریباً 15 سے 20 لوگ بیٹھے تھے۔ ان میں سے 7 مسافروں کی موت ہو گئی جبکہ 3 زخمی بتائے جاتے ہیں۔ جانکاری کے مطابق چنیگاؤں کے کچھ عقیدت مند پنڈھار پور سے بس سے جالنا آئے تھے اور کالی پیلی ٹیکسی سے جالنا سے راجور جا رہے تھے۔ یہ حادثہ اسی دوران پیش آیا۔(جاری)
سی ایم شندے نے حادثے پر افسوس کا اظہار کیا۔
جالنا کے ڈی ایم شری کرشنا ناتھ پنچال نے کہا کہ وزیر اعلیٰ ایکناتھ شندے نے صورتحال کی جانکاری لی ہے۔ انہوں نے بتایا کہ 15 لوگ پنڈھارپور سے گاڑی میں واپس آ رہے تھے۔ حادثے میں 7 افراد جاں بحق جبکہ ڈرائیور سمیت 8 افراد زخمی ہوئے جن کا علاج جاری ہے۔ انہوں نے بتایا کہ وزیراعلیٰ نے فون کرکے صورتحال دریافت کی ہے۔ انہوں نے حادثے پر افسوس کا اظہار کرتے ہوئے انتظامیہ کو علاج کے تمام اخراجات برداشت کرنے کی ہدایت کی۔
اشاعتیں
.jpeg)
0 تبصرے