علی گڑھ: اب اتر پردیش کے علی گڑھ ضلع میں 94 غیر تسلیم شدہ مدارس بند کیے جائیں گے۔ ان مدارس میں زیر تعلیم تقریباً 2000 طلبہ کا کونسل اور سیکنڈری اسکولوں میں داخلہ کرایا جائے گا۔ حکومت کی ہدایت پر ڈی ایم نے ایک کمیٹی تشکیل دی ہے، جو ان مدارس کی فزیکل تصدیق کے بعد رپورٹ تیار کرے گی۔(جاری)
علی گڑھ کے ضلع اقلیتی بہبود افسر ندھی گوسوامی نے کہا کہ ریاست کے چیف سکریٹری نے 26 جون 2024 کو ڈی ایم کو ایک خط بھیجا تھا، جس میں ہدایت دی گئی تھی کہ غیر تسلیم شدہ مدارس میں زیر تعلیم طلبہ کو کونسل اسکولوں میں داخلہ دلایا جائے۔ اس ہدایت پر عمل کرتے ہوئے علی گڑھ کے ڈی ایم وشاک جی نے ایک کمیٹی تشکیل دی ہے، جس میں تمام ایس ڈی این ، بی ایس اے، سبھی پولیس کے دائرہ اختیار کے افسران اور ضلع اقلیتی بہبود کے افسران شامل ہیں۔(جاری)
ڈی ایم ندھی گوسوامی نے کہا کہ کمیٹی ان مدارس کی فزیکل تصدیق کرے گی۔ اس کام میں امداد یافتہ مدارس کے اساتذہ کو بھی شامل کیا جائے گا، جو طلبہ کی فہرست تیار کرنے میں مدد کریں گے۔ اس کے بعد مکمل رپورٹ حکومت کو بھیجی جائے گی۔ضلع اقلیتی بہبود افسر نے بتایا کہ ضلع میں 94 غیر تسلیم شدہ مدارس ہیں۔ حکومت کی ہدایت پر یہ بند ہوں گے۔ ان مدارس میں پڑھنے والے طلبہ کا کونسل اسکولوں میں داخلہ کرایا جائے گا۔
اشاعتیں
0 تبصرے