نئی دہلی : سپریم کورٹ نے جمعہ (9 اگست) کو دہلی کے سابق نائب وزیر اعلی منیش سسودیا کو ضمانت دے دی ہے۔ سسودیا کو 10 لاکھ روپے کا بانڈ ادا کرنا ہوگا۔ سسودیا 17 ماہ سے تہاڑ جیل میں بند ہیں۔ وہ آج جیل سے باہر آ سکتے ہیں ۔ سی بی آئی نے گزشتہ سال 26 فروری کو دہلی شراب پالیسی گھوٹالے میں سسودیا کو گرفتار کیا تھا۔ اس کے بعد ای ڈی نے انہیں منی لانڈرنگ کیس میں 9 مارچ کو دوبارہ گرفتار کرلیا تھا۔ سسودیا کو سی بی آئی اور ای ڈی دونوں معاملوں میں ضمانت مل گئی۔(جاری)
منیش سسودیا کو ضمانت دیتے ہوئے سپریم کورٹ نے ابھیشیک منو سنگھوی کی دلیل پر بڑا تبصرہ کیا۔ سپریم کورٹ نے کہا کہ اگر منیش سسودیا کو ضمانت کے لیے دوبارہ ٹرائل کورٹ جانے کیلئے کہا جاتا ہے تو یہ انصاف کا مذاق اڑانا ہو گا۔ سپریم کورٹ نے نچلی عدالت کو بھی پھٹکار لگائی۔(جاری)
سپریم کورٹ نے کہا کہ نچلی عدالت نے اسپیڈ ٹرائل کے حق کو نظر انداز کیا اور میرٹ کی بنیاد پر ضمانت منسوخ نہیں کی تھی۔ ہم ای ڈی کے ابتدائی اعتراض کو قبول کرنے کے لیے تیار نہیں ہیں کہ یہ عرضی قابل سماعت نہیں ہے۔(جاری)
سپریم کورٹ نے منیش کو نچلی عدالت اور پھر ہائی کورٹ جانے کیلئے کہا تھا۔ اس کے بعد سپریم کورٹ آنا ہے۔ انہوں نے دونوں عدالتوں میں درخواستیں دائر کی تھیں۔ اس کے بعد منیش نے سپریم کورٹ میں عرضی داخل کی۔ پہلے حکم کے مطابق 6 سے 8 ماہ کی مدت گزر چکی ہے۔
اشاعتیں
0 تبصرے