اتر پردیش کے کانپور ضلع میں جمعہ کی رات دیر گئے ٹرین حادثہ پیش آیا۔ کانپور اور بھیمسین اسٹیشنوں کے درمیان بلاک سیکشن میں سابرمتی ایکسپریس کے 20 ڈبے پٹری سے اتر گئے۔ احمد آباد سابرمتی ایکسپریس حادثے میں کوئی بھی شدید زخمی نہیں ہوا ہے۔ ابتدائی معلومات کے مطابق ڈرائیور کہہ رہا ہے کہ پتھر انجن سے ٹکرا گیا ہے۔ جس کی وجہ سے انجن کے کیٹل گارڈ کو بری طرح نقصان پہنچا ہے۔ حادثے کی اطلاع ملتے ہی ریلوے حکام رات دیر گئے موقع پر پہنچ گئے۔ (جاری)
حادثہ رات 3 بجے کے قریب پیش آیا
موقع پر پہنچے ریلوے حکام نے بتایا کہ کانپور کے قریب گووند پوری کے سامنے ہولڈنگ لائن پر ٹرین کی کئی بوگیاں پٹری سے اتر گئیں۔ یہ ٹرین وارانسی سے احمد آباد جا رہی تھی۔ حادثہ رات 3 بجے کے قریب پیش آیا۔ فی الحال، سابرمتی ایکسپریس ٹرین کے تمام مسافروں کو جائے حادثہ سے بس کے ذریعے کانپور لایا گیا ہے۔(جاری)
ریلوے نے ہیلپ لائن نمبر جاری کر دیئے۔
اب تک موصول ہونے والی اطلاعات کے مطابق اس حادثے میں کوئی مسافر زخمی نہیں ہوا ہے۔ ریسکیو اور ریلیف ورک ٹیم موقع پر پہنچ گئی ہے۔ ٹرین حادثے کے پیش نظر ریلوے نے ہیلپ لائن نمبر جاری کر دیے ہیں۔
اشاعتیں
0 تبصرے