جے پور: راجستھان کے ادے پور میں تشدد کا معاملہ ابھی پوری طرح قابو میں نہیں آیا ہے۔اس سے پہلے آج دارالحکومت جے پور میں بھی زبردست ہنگامہ ہوا۔ یہاں جمعہ کی رات آپسی لڑائی میں ایک نوجوان کا قتل کر دیا گیا۔ جس کے بعد سنیچر کی صبح مشتعل لوگ سڑکوں پر نکل آئے۔ اس کی وجہ سے ماحول کشیدہ ہوگیا۔اس لیے وہاں پولیس کی بھاری نفری بھی تعینات کر دی گئی۔ پولیس انتظامیہ نے افواہوں پر توجہ نہ دینے کی اپیل کی ہے۔ پولیس کی بھاری نفری کے ساتھ اعلیٰ حکام موقع پر پہنچے گئے ہیں۔(جاری)
تفصیلات کے مطابق، یہ کشیدگی کا ماحول جے پور کے شاستری نگر علاقے میں ہے۔ شاستری نگر علاقے کے سوامی بستی میں رہنے والے دنیش سوامی (36) جمعہ کی رات اپنے دوست جتیندر کے ساتھ اسکوٹر پر گھر لوٹ رہے تھے۔ اس دوران وہ آزاد کالونی میں ایک ای رکشہ سے ٹکرا گیا۔ اس کے بعد ای رکشا پر سوار تین نوجوانوں ، دنیش اور اس کے ساتھی کے درمیان بحث وتکرار ہوگئی۔(جاری)
گھر واپس آتے ہی دنیش کی طبیعت بگڑ گئی۔لڑائی کے بعد دونوں فریق اپنے اپنے گھر چلے گئے۔ گھر جانے کے بعد دنیش سوامی کی طبیعت بگڑ گئی اور ان کی موت ہو گئی۔ واقعہ کی اطلاع ملتے ہی پولیس نے فوری ایک ملزم کو گرفتار کر لیا۔ جبکہ دو ملزمین فرار ہو گئے۔ جس کے بعد صبح ہوتے ہی لوگ سڑکوں پر نکل آئیں ہیں۔ صورتحال کو دیکھتے ہوئے پولیس انتظامیہ نے احتیاطی اقدام کے طور پر شاستری نگر علاقہ میں اضافی پولیس فورس تعینات کردی۔(جاری)
پانچوں افراد کے درمیان زبردست لاتیں اور گھونسے مارے گئے۔پولیس کی ابتدائی تفتیش میں یہ بات سامنے آئی ہے کہ لڑائی فریقین کے درمیان بحث کو لیکر ہوئی۔ اس کے بعد دونوں اطراف کے پانچ افراد کے درمیان زبردست لاتیں اور گھونسوں کا تبادلہ ہوا۔ دونوں گروپوں میں کوئی پرانی دشمنی نہیں ہے۔ مقتول کی بیوی کا کہنا ہے کہ دنیش کے گھر آنے کے بعد اسے سینے میں درد ہوا۔ اس پر وہ اسے مقامی اسپتال لے گئے۔ وہاں اسے مردہ قرار دے دیا گیا۔(جاری)
فرقہ وارانہ ہم آہنگی برقرار رکھنے کی اپیل
پولیس کا کہنا ہے کہ فرار ہونے والے دو ملزمین کی گرفتاری کے لیے خصوصی ٹیمیں تشکیل دے دی گئی ہیں۔ ڈی سی پی راشی ڈوگرا نے علاقے میں فرقہ وارانہ ہم آہنگی برقرار رکھنے کی اپیل کی۔ ادھر ایڈیشنل ڈی سی پی بجرنگ سنگھ شیخاوت نے کہا ہے کہ دونوں نامزد ملزمین کو بھی جلد گرفتار کرلیاجائے گا۔
اشاعتیں
0 تبصرے