مہاراشٹر اسمبلی انتخابات سے پہلے شرد پوار کو ملی زیڈ پلس سیکیورٹی

 

مہاراشٹر میں چند مہینوں میں اسمبلی انتخابات ہونے والے ہیں۔  اس سے پہلے مرکزی حکومت نے بڑا اعلان کیا ہے۔  مرکز نے بدھ کے روز نیشنلسٹ کانگریس پارٹی (شرد چندر پوار) کے سربراہ شرد پوار کو زیڈ پلس زمرہ کی سیکورٹی دی ہے۔  مرکزی وزارت داخلہ نے سنٹرل ریزرو پولیس فورس (سی آر پی ایف) سے کہا ہے کہ وہ مہاراشٹر کے 83 سالہ سابق چیف منسٹر کو سیکورٹی فراہم کرے۔  اس کام کے لیے سی آر پی ایف کے 55 مسلح جوانوں کی ٹیم کو تعینات کیا گیا ہے۔ (جاری)

 وی آئی پی سیکیورٹی کی اعلی ترین سطح 

 ذرائع نے بتایا کہ مرکزی ایجنسیوں کی طرف سے خطرے کی تشخیص کے جائزے میں پوار کو مضبوط سیکورٹی فراہم کرنے کی سفارش کی گئی ہے۔  ذرائع نے بتایا کہ مرکز نے انہیں زیڈ پلس زمرہ کا سیکورٹی کور فراہم کیا ہے۔  ذرائع کے مطابق اس کام کو انجام دینے کے لیے سی آر پی ایف کی ایک ٹیم پہلے ہی مہاراشٹر میں موجود ہے۔  زیڈ پلس سیکیورٹی مسلح وی آئی پی سیکیورٹی کا اعلیٰ ترین درجہ ہے۔  وی آئی پی  سیکیورٹی زمرے کی درجہ بندی سب سے زیادہ زیڈ پلس+ سے شروع ہوتی ہے۔  اس کے بعد زیڈ ، وائے پلس، وائے اور ایکس آتا ہے۔ (جاری)

 پوار چار بار سی ایم رہ چکے ہیں۔

 واضح رہے کہ شرد پوار مرکزی وزیر کے علاوہ چار بار مہاراشٹر کے وزیر اعلی رہ چکے ہیں۔  شرد پوار کی قیادت والی این سی پی نے لوک سبھا انتخابات میں 8 سیٹیں جیتی ہیں۔  شرد پوار مہا وکاس اگھاڑی (ایم وی اے) کے سرکردہ لیڈروں میں شامل ہیں۔  ساتھ ہی، امید ہے کہ مہاراشٹر اسمبلی انتخابات کا اعلان اکتوبر کے پہلے ہفتے میں کر دیا جائے گا۔