بنگلہ دیش میں سیاسی بحران : حکومت ہند ، بنگلہ دیش میں بغاوت کے بعد کی صورتحال پر گہری نظر رکھے ہوئے ہے۔ مرکز نے کل جماعتی میٹنگ میں اپوزیشن لیڈروں کو یہ جانکاری دی۔ حکومت نے کہا کہ بنگلہ دیش میں اس وقت 12 سے 13000 ہندوستانی ہیں۔ تاہم ملک کے حالات اتنے گھمبیر نہیں کہ ہمارے شہریوں کو وہاں سے نکالناپڑے۔ذرائع کے مطابق مرکزی حکومت نے میٹنگ میں بتایا کہ ہم بنگلہ دیش کی ہر صورتحال پر گہری نظر رکھے ہوئے ہیں۔ جو بھی صورتحال ہوگی اپوزیشن کو اس سے آگاہ کیا جائے گا۔ وہاں سے تقریباً 8000 ہندوستانی طلباء واپس آچکے ہیں۔ ابھی باقی لوگوں کو نکالنے کی ضرورت نہیں ہے مرکزی حکومت نے کہا کہ شیخ حسینہ کے بارے میں ابھی کوئی فیصلہ نہیں کیا گیا ہے۔ اپوزیشن حکومت کے اقدامات سے مطمئن ہے۔(جاری)
کل جماعتی میٹنگ کی صدارت پی ایم مودی نے کی۔آل پارٹی میٹنگ میں وزیر خارجہ ایس جے شنکر نے کہا کہ حکومت بنگلہ دیشی فوج کے ساتھ رابطے میں ہے۔ صورتحال مسلسل بدل رہی ہے۔ مستقبل کی صورت حال سے آگاہ کیا جائے گا ۔ میٹنگ میں راہل گاندھی نے بیرونی ہاتھ کے بارے میں پوچھا ہے۔ کہا گیا ہے کہ بیرونی قوتوں کے ملوث ہونے کے بارے میں بات کرنا قبل از وقت ہے۔ وزیر خارجہ نے کہا کہ شیخ حسینہ کو کچھ وقت دینا چاہتے ہیں کہ وہ جان سکیں کہ وہ کیا چاہتی ہیں۔(جاری)
ان رہنماؤں نے آل پارٹی اجلاس میں شرکت کی۔
کل جماعتی میٹنگ میں وزیر خارجہ جے شنکر پرساد نے حکومت کا موقف پیش کیا۔ وزیر دفاع راج ناتھ سنگھ، وزیر داخلہ امت شاہ ، راہل گاندھی، ایس پی ایم پی رام گوپال یادو سمیت تمام اپوزیشن لیڈروں نے میٹنگ میں شرکت کی۔(جاری)
ایس جے شنکر نے سوشل میڈیا پر تصاویر پوسٹ کی ہے اور کہا کہ آل پارٹی میٹنگ میں بنگلہ دیش کی صورتحال پر جانکاری دی گئی ہے۔ جے شنکر نے اس معاملے میں اپوزیشن سے ملنے والے تعاون کی تعریف کی ہے۔ میٹنگ میں راہل گاندھی نےیہ سوال پوچھے کہ کیا بنگلہ دیش کی صورتحال میں کوئی غیر ملکی ہاتھ ہے؟ کیا ہندوستان کے پاس اس صورتحال کے حوالے سے کوئی طویل مدتی منصوبہ ہے؟ بنگلہ دیش کی نئی حکومت کے حوالے سے ہندوستان کا ایکشن پلان کیا ہوگا؟ اجلاس کے دوران دیگر جماعتوں نے بھی سوالات اٹھائے۔ تاہم اپوزیشن نے کہا کہ ہم اس معاملے پر حکومت کے ساتھ ہیں۔(جاری)
بنگلہ دیش میں تازہ ترین اپ ڈیٹ کیا ہے؟
ڈھاکہ ٹریبیون کے مطابق، بنگلہ دیش میں بدامنی کے دوران کم از کم 135 افرادجاں بحق ہو گئے ہیں جس میں پیر کو ملک بھر میں پولیس کی فائرنگ، ہجوم کی پٹائی اور آتش زنی کے واقعات دیکھنے میں آئے۔ ملک نے پیر کو اعلان کیا کہ مظاہرین اور عوامی لیگ کے ارکان کے درمیان جھڑپوں کے درمیان پولیس کی فائرنگ میں کم از کم 96 افراد ہلاک ہو گئے۔ پیر کو دارالحکومت کے مضافات میں ساور اور دھامرائی میں پولیس اور مظاہرین کے درمیان جھڑپیں ہوئیں، جس میں کم از کم 18 افراد ہلاک ہو گئے۔(جاری)
میڈیا نے ڈھاکہ میڈیکل کالج اسپتال کے ذرائع کے حوالے سے بتایا کہ 500 افراد کو مختلف قسم کے زخموں کے ساتھ اسپتال لایا گیا جن میں گولی لگنے کے زخم بھی شامل ہیں۔ ان میں سے 70 کو اسپتال میں داخل کرایا گیا ہے۔ ڈھاکہ ٹریبیون کی رپورٹ کے مطابق شیخ حسینہ کے بنگلہ دیش چھوڑنے کی خبر کے بعد لوگ جشن منانے سڑکوں پر نکل آئے۔
اشاعتیں
.jpeg)
0 تبصرے