غزہ: غزہ پر اسرائیل کے تازہ فضائی حملوں میں 40 افراد کی ہلاکت کی اطلاع ہے۔ تقریباً 65 افراد زخمی ہیں۔ یہ تفصیلات غزہ کی سول ڈیفنس ایجنسی نے شیئر کی ہے۔ منگل کو اسرائیل نے فلسطینی علاقے کے جنوب میں ایک پناہ گزین کیمپ پر حملہ کیا۔ اسرائیلی فوج کا کہنا ہے کہ اس نے علاقے میں حماس کے ایک کمانڈ سینٹر کو نشانہ بنایا ہے۔اسرائیلی فوج نے یہ حملہ غزہ کے خان یونس شہر کے علاقے المواسی میں کیا۔ یہ وہ علاقہ ہے جسے اسرائیلی فوج نے جنگ شروع ہوتے ہی محفوظ زون قرار دیا تھا۔ ہزاروں فلسطینی یہاں پناہ لیے ہوئے ہیں۔(جاری)
چار میزائلوں سے حملہ
مقامی لوگوں اور ڈاکٹروں نے بتایا کہ خان یونس کے قریب المواسی میں ایک خیمہ کیمپ کو چار میزائلوں سے نشانہ بنایا گیا۔ یہ کیمپ بے گھر فلسطینیوں سے بھرا ہوا ہے۔ غزہ سول ایمرجنسی سروس کے مطابق 20 خیموں میں آگ لگ گئی۔ اسرائیلی میزائلوں نے نو میٹر (30 فٹ) گہرے گڑھے چھوڑے ہیں۔ 65 زخمیوں میں خواتین اور بچے بھی شامل ہیں۔(جاری)
دہشت گردوں کو نشانہ بنایا گیا:اسرائیل کا دعویٰ
اسرائیلی فوج نے کہا کہ اس نے خان یونس میں پناہ گزین کیمپ کے علاقے کے اندر واقع کمانڈ اینڈ کنٹرول سینٹر کے اندر کام کرنے والے حماس کے عسکریت پسندوں پر حملہ کیا۔ حماس نے اسرائیل کے الزامات کی تردید کی ہے۔(دیکھیں ویڈیو)
A video shows the moment civil defence workers rescued six-year-old Palestinian child Manar Haddad from the rubble of her home in Gaza’s Tal al-Hawa after it was bombed by Israeli forces. pic.twitter.com/sRI3J8zqyZ
— Al Jazeera English (@AJEnglish) September 9, 2024
حماس نے کہا کہ یہ صریح جھوٹ ہے۔
حماس نے ایک بیان میں کہا، “یہ ایک صریح جھوٹ ہے۔ اسرائیل کا مقصد ان گھناؤنے جرائم کو جواز فراہم کرنا ہے۔ ہم نے بارہا اس بات کی تردید کی ہے کہ حماس کا کوئی رکن سول اجتماعات میں موجود نہیں ہے۔ اور نہ ہی انہیں فوجی مقاصد کے لیے استعمال کیا جا رہا ہے۔”(جاری)
جنگ میں 40 ہزار سے زائد ہلاکتیں ہوئیں
گزشتہ سال 7 اکتوبر 2023 کو حماس کے دہشت گردوں نے اسرائیل پر ایک بڑا حملہ کیا۔ اس میں 1200 اسرائیلی ہلاک اور 250 افراد کو یرغمال بنایا گیا تھا۔ اس کے بعد اسرائیل نے حماس کے خلاف اعلان جنگ کر دیا تھا۔ غزہ پر اسرائیلی حملوں میں اب تک 40,900 سے زائد فلسطینی جابحق ہوگئے ہیں۔
اشاعتیں
0 تبصرے