گجرات کے سورت میں سماج دشمن عناصر نے گنیش پنڈال پر پتھراؤ کیا ہے۔ پتھراؤ کے بعد دو گروپوں میں تصادم ہوا۔ پولیس اور عوام پر پتھراؤ کیا گیا اور کئی گاڑیوں کو بھی آگ لگا دی گئی۔ پولیس کا کہنا ہے کہ اس معاملے میں 50 سے زائد لوگوں کو حراست میں لیا گیا ہے۔ حالات ایسے تھے کہ پولیس کو لاٹھی چارج اور آنسو گیس کا استعمال کرنا پڑا۔(جاری)
وزیر داخلہ ہرش سنگھوی پہنچے
گجرات کے وزیر داخلہ ہرش سنگھوی خود سورت کے پنڈال میں پہنچے جہاں گنیش جی کی مورتی پر پتھر برسا کر توڑ دیا گیا۔ انہوں نے اسی پنڈال میں بھگوان گنیش کی پوجا اور آرتی بھی کی۔ سورت کے پولس کمشنر انوپم سنگھ گہلوت اور سورت کے میئر دکھیش ماوانی بھی ان کے ساتھ موجود تھے۔(جاری)
کیا ہے پورا واقعہ؟
گجرات کے وزیر داخلہ ہرش سنگھوی نے کہا ہے کہ آج سورت کے سید پورہ علاقے میں گنیش پنڈال پر 6 لوگوں نے پتھراؤ کیا۔ ان تمام 6 لوگوں کو گرفتار کر لیا گیا ہے اور پولیس نے 27 دیگر لوگوں کو بھی گرفتار کیا ہے جنہوں نے ان لوگوں کو گمراہ کیا تھا۔ ریاست کا امن خراب کرنے والوں کے خلاف سخت کارروائی کی جائے گی۔(جاری)
لاٹھی چارج اور آنسو گیس کا استعمال
سورت کے پولس کمشنر انوپم سنگھ گہلوت نے کہا ہے کہ چند بچوں نے گنیش پنڈال پر پتھراؤ کیا جس کے بعد دو گروپوں کے درمیان تصادم ہوا۔ پولیس نے فوری طور پر ان بچوں کو وہاں سے ہٹا دیا۔ پولیس کو فوری طور پر علاقے میں تعینات کیا گیا اور لاٹھی چارج کیا گیا۔ پولیس نے کہا ہے کہ ان تمام علاقوں میں آنسو گیس کا استعمال کیا گیا جہاں اس کی ضرورت تھی۔ امن خراب کرنے والے تمام ملزمان کو گرفتار کیا جا رہا ہے، چاروں طرف 1000 کے قریب پولیس اہلکار تعینات ہیں اور عوام بھی یہاں موجود ہیں۔
اشاعتیں
.jpeg)
0 تبصرے