جبل پور۔ حیدرآباد انڈیگو فلائٹ کوبم سے اڑانے کی دھمکی! ناگپور میں کی گئی ایمر جنسی لینڈنگ

 

جبل پور کے ڈمنا ہوائی اڈے سے حیدرآباد کے لیے اڑان بھرنے والی فلائٹ کو بم سے اڑانے کی دھمکی ملی، جس کی وجہ سے ا س فلائٹ کی ناگپور میں ہنگامی لینڈنگ کرائی گئی ہے۔ ٹیک آف کے ایک چوتھائی گھنٹے کے اندر، طیارے کو ناگپور کی طرف موڑ دیا گیا اور ہوائی اڈے پر ہنگامی لینڈنگ کی گئی۔(جاری)

انڈیگو ایئر لائنز کے مطابق پرواز 6ای 7308 میں بم رکھنے کی اطلاع دی گئی تھی۔ طیارے میں جبل پور سے 62 مسافر سوار تھے۔ انڈیگو ایئر لائنز نے کچھ وقت کے اندر ناگپور سے حیدرآباد کے لیےدوسری فلائٹ مسافرین کو فراہم کرنے کی بات کہی ہے۔(جاری)

ایمرجنسی لینڈنگ کے فوراً بعد تحقیقات شروع

انڈیگو ایئر لائنز نے ایک بیان جاری کیا ہے جس میں کہا گیا ہے کہ “1 ستمبر 2024 کو بم کے خطرے کے پیش نظر جبل پور سے حیدرآباد جانے والی پرواز 6ای 7308 کو ناگپور کی طرف موڑ دیا گیا تھا۔ لینڈنگ کے بعد تمام مسافروں کو اتار دیا گیا اور فوری طور پر لازمی سیکورٹی چیک شروع کر دیا گیا اور انہیں ریفریشمنٹ فراہم کی گئی۔ مسافروں کو ہونے والی تکلیف کے لیے ہم معذرت خواہ ہیں۔(جاری)

مسافروں کو اتارنے کے بعد جہاز کو محفوظ مقام پر لے جایا گیا۔قابل ذکر ہے کہ انڈیگو کا طیارہ اتوار کی صبح 8 بجے کے مقررہ وقت پر دمنہ ہوائی اڈے سے حیدرآباد کے لیے روانہ ہوا، لیکن ٹھیک ایک گھنٹہ اور 20 منٹ بعد، صبح 9.20 بجے، جہاز کو ناگپور میں ہنگامی لینڈنگ کرنا پڑا ۔ دراصل فلائٹ کے کپتان کو اطلاع ملتی ہے کہ فلائٹ میں بم ہو سکتا ہے۔(جاری)

اس کے بعد تمام مسافروں کو ناگپور ایئرپورٹ پر جہاز سے باہر نکالا جاتا ہے اور جہاز کو محفوظ جگہ پر کھڑا کرکے تحقیقات شروع کردی جاتی ہے۔ انڈیگو کی منیجر حنا خان کے مطابق تمام مسافر فی الحال محفوظ ہیں۔ایک پولیس افسر نے بتایا کہ بم کی دھمکی کا پیغام کاغذ کے ٹکڑے پر لکھا ہوا تھا۔ اسے ہوائی جہاز کے باتھ روم میں ملا۔ تاہم، اہلکار نے کہا کہ سیکورٹی ایجنسیوں نے پورے طیارے کی مکمل جانچ کی۔ انہیں کوئی مشکوک چیز نہیں ملی۔(جاری)

بھوپال میں بھی ایمرجنسی لینڈنگ ہوئی۔

دراصل، آکاسا ایئر لائنز کے ایک طیارے کو جو وارانسی سے ممبئی جا رہا تھا، اچانک مدھیہ پردیش کے بھوپال میں اترنا پڑا۔ یہ فیصلہ طیارے کے اندر بیٹھے ایک معمر شخص کی طبیعت اچانک بگڑنے کے باعث لیا گیا۔ 82 سالہ شخص کو فوری طور پر بھوپال کے ایک اسپتال میں داخل کرایا گیا، لیکن انہیں بچایا نہیں جاسکا۔ شبہ ہے کہ فلائٹ میں معمر شخص کو دل کا دورہ پڑاتھا۔