راجستھان میں اب اسکولوں میں نہیں پڑھایا جائے گا اکبر ’عظیم‘، وزیرتعلیم دلاور نے کیا اعلان

 

ادے پور: راجستھان میں ایک بار پھر مہارانا پرتاپ اور اکبر کو لے کر جنگ چھڑنے والی ہے۔ ریاستی وزیر تعلیم مدن دلاور نے ایک بار پھر میواڑ کی سرزمین پر اکبر کو لے کر بڑا بیان دیتے ہوئے اعلان کیا ہے کہ اب اسکولوں میں اکبر دی گریٹ نہیں پڑھایا جائے گا۔ انہوں نے کہا کہ مہارانا پرتاپ سے بڑا کوئی نہیں ہے۔ وزیر دلاور نے کہا کہ اکبر نے کئی سالوں تک ملک کو لوٹا۔ اکبر کو ’عظیم ‘ پڑھانے والے آگے نہیں جاپائیں گے ۔(جاری)

وزیر تعلیم مدن دلاور نے یہ بیان آج ادے پور میں منعقد 28ویں ریاستی سطح کی بھاماشاہ سمان پروگرام میں دیا۔ دلاور اکبر کے بارے میں پہلے بھی بیانات دیتے رہے ہیں۔ آج انہوں نے پھر وہی بات دہرائی ہے۔ دلاور نے کہا کہ ایسے شخص کو کیسے عظیم کہا جا سکتا ہے جو مینا بازار لگاتا تھا اور خواتین کو اٹھا لے جاتا تھا۔ وہ عظیم کیسے ہو سکتا ہے؟(جاری)

دلاور نے کہا کہ اکبر کو ’عظیم ‘ پڑھایا ، اس سے بڑھا کوئی اس میواڑ اور راجستھان کا دشمن کوئی نہیں ہو سکتا ۔ پروگرام میں دلاور نے کہا کہ میں حلف لے کر کہتا ہوں کہ اب سے اکبر کو راجستھان میں کسی کتاب میں اس شکل میں نہیں پڑھایا جائے گا۔ دلاور کے خطاب کے دوران پروگرام میں موجود لوگوں نے جم کر تالیاں بجائیں۔(جاری)

حجاب کے حوالے سے دے چکے ہیں بیان

وزیر تعلیم مدن دلاور پہلے بھی کئی بار اکبر کے حوالے سے تلخ بیانات دے کر سرخیوں میں رہ چکے ہیں۔ وہ کانگریس کے دور حکومت میں بھی اسکول کے نصاب میں اکبر کو عظیم بتانے کے خلاف کئی فورمز سے احتجاج کرتے رہے ہیں۔ کانگریس دلاور پر تعلیم کو بھگوا کرن کرنے کا الزام لگاتی رہی ہے۔ دلاور نے اس سے پہلے اسکولوں میں سوریہ نمسکار کی بات کرکے سیاست کو گرما دیا تھا۔ بعد ازاں حجاب کے حوالے سے دلاور نے یہ بھی کہا کہ اسکول میں سب کا یونیفارم ایک جیسا ہوگا۔ اس کی وجہ سے ریاست کی سیاست میں بھی کھلبلی مچ گئی تھی۔