مگدھ ایکسپریس ٹرین حادثے کا شکار ، بوگیاں دو حصوں میں بٹیں

 

بہار کے بکسر میں ڈمراؤں اور رگھوناتھ پور اسٹیشن کے درمیان ٹرین حادثے کی خبر سامنے آئی ہے۔  معلومات کے مطابق مگدھ ایکسپریس حادثے کا شکار ہو گئی۔  جس سے مسافروں میں افراتفری مچ گئی۔  فی الحال، بکسر-پٹنہ ریلوے سیکشن پر ریل آپریشن میں خلل پڑا ہے اور ریلوے حکام جائے حادثہ کی طرف روانہ ہو گئے ہیں۔  بتایا جاتا ہے کہ یہ حادثہ گیارہ بجے کے قریب پیش آیا۔  اس وقت کوئی ریسکیو ٹیم یا کوئی اہلکار موقع پر موجود نہیں ہے۔  ملی اطلاع کے مطابق یہ ٹرین دہلی سے اسلام پور جا رہی تھی۔  اس کے بعد مگدھ ایکسپریس ٹرین بکسر کے ڈمراؤں اور رگھوناتھ پور اسٹیشن کے درمیان اچانک دو حصوں میں تقسیم ہوگئی۔  ٹرین کے کچھ ڈبے مگدھ ایکسپریس کے انجن سے الگ ہوگئے اور پیچھے رہ گئے۔  بتایا جا رہا ہے کہ مگدھ ایکسپریس ٹرین کا پریشر پائپ ٹوٹنے سے ٹرین دو حصوں میں بٹ گئی۔  فی الحال مسافروں میں کسی جانی نقصان کی کوئی خبر نہیں ہے۔