راجستھان کے باڑمیر میں اترلائی ایئربیس کے قریب لڑاکا طیارہ حادثے کا شکار ہوگیا۔ حادثے کے بعد طیارے کی تصاویر منظر عام پر آگئی ہیں جن میں طیارہ دھویں میں جلتا ہوا دیکھا جاسکتا ہے۔ یہ حادثہ باڑمیر کے کاوس کے قریب پیش آیا۔ ایئر فورس کا لڑاکا طیارہ منگلا پروسیسنگ ٹرمینل ایم پی ٹی روڈ کے قریب الانو کی دھانی کے قریب گر کر تباہ ہو گیا۔ حادثے کے بعد ناگانہ تھانہ پولیس موقع پر پہنچ گئی ہے۔(جاری)
بھارتی فضائیہ کے مگ 29 طیارے نے لینڈنگ ایریا سے ٹیک آف کیا لیکن فنی خرابی کے باعث گر کر تباہ ہوگیا۔ خوش قسمتی سے اس حادثے میں پائلٹ کو کوئی نقصان نہیں پہنچا تاہم طیارہ مکمل طور پر جل کر راکھ ہوگیا۔ اس حادثے کے بعد کورٹ آف انکوائری کا حکم دیا گیا ہے۔
اشاعتیں
0 تبصرے