نئی دہلی: اروند کیجریوال کے استعفیٰ کے بعد دہلی کا اگلا وزیر اعلیٰ کون ہوگا؟ عام آدمی پارٹی کی حکومت میں وزیر صحت سوربھ بھاردواج نے پیر کو ان تمام قیاس آرائیوں کو ختم کرنے کی کوشش کی۔ انہوں نے بتایا کہ پیر کی تعطیل کی وجہ سے منگل کو فیصلہ کیا جائے گا کہ وزیراعلیٰ کون ہوگا۔ انہوں نے یہ باتیں دہلی میں عام آدمی پارٹی کے دفتر میں کہیں۔(جاری)
میڈیا کے سوالوں کا جواب دیتے ہوئے بھاردواج نے کہا کہ آج پیر کو عید میلاد النبی کی چھٹی ہے۔ کل یعنی منگل کو پہلا کام کا دن ہے۔ وزیر اعلی اروند کیجریوال اسی دن اپنے عہدے سے استعفیٰ دے دیں گے۔ وزیراعلیٰ کا استعفیٰ منظور ہوتے ہی پارٹی قانون ساز پارٹی کا اجلاس بلائے گی۔ ہمارے پاس 60 ایم ایل ایز ہیں ۔ جس نام پر پارٹی اجلاس میں اتفاق کیا جائے گا، وہ ہی دہلی کے اگلے وزیر اعلیٰ بنیں گے۔ دہلی میں کام نئے وزیر اعلیٰ کے مطابق ہوگا۔ سوربھ بھاردواج نے کہا کہ میں ابھی یہ نہیں کہہ سکتا کہ کون وزیراعلی بنے گا۔(جاری)
بتادیں کہ وزیراعلیٰ اروند کیجریوال کے استعفیٰ کے اعلان کے بعد قیاس آرائیاں کی جارہی تھیں کہ ان کی اہلیہ سنیتا کیجریوال وزیراعلیٰ بن سکتی ہیں۔ ساتھ ہی یہ دعویٰ بھی کیا جا رہا ہے کہ اروند کیجریوال حکومت میں ایک درجن سے زیادہ محکموں کو سنبھالنے والی وزیر آتشی کے نام کا اعلان کیا جا سکتا ہے۔ وزیر کیلاش گہلوت بھی وزیر اعلیٰ کے عہدے کی دوڑ میں شال ہیں۔(جاری)
سوربھ بھاردواج نے پریس کانفرنس میں مزید کہا کہ وزیر اعلیٰ نے جیل سے رہائی کے بعد رضاکارانہ طور پر استعفیٰ دینے کا اعلان کیا جو ایک اہم قدم ہے۔ انہوں نے کہا کہ بھارتیہ جنتا پارٹی کو لے کر عوام میں بڑے پیمانے پر عدم اطمینان ہے۔ یہ عدم اطمینان اس بات سے پیدا ہوا کہ آئی آئی ٹی اور آئی آر ایس کے امتحانات پاس کرنے والے وزیراعلی نے انکم ٹیکس کمشنر کے طور پر کام کیا، دس سالوں تک کچی بستیوں میں خدمات انجام دینے کے لیے اپنی ملازمت چھوڑ دی اور عہدے پر رہتے ہوئے بھی جدوجہد جاری رکھی۔(جاری)
سوربھ نے کہا کہ گزشتہ 9 سالوں سے وزیر اعلیٰ رہتے ہوئے ان پر کئی طرح کی پابندیاں لگائی گئیں، لیکن کیجریوال دہلی کے لوگوں کے لیے کام کرتے رہے۔ دہلی کے لوگوں میں اتنی بے چینی ہے کہ وہ کہہ رہے ہیں کہ الیکشن جلد ہونے چاہئیں اور ہم عام آدمی پارٹی کو ووٹ دے کر اروند کیجریوال کو دوبارہ وزیر اعلیٰ بنائیں گے۔ کیجریوال کے جیل سے باہر آنے کے بعد استعفیٰ دینے پر عوام کہہ رہے ہیں کہ انہوں نے جیل میں استعفیٰ نہ دے کر اچھا کام کیا۔ عوام بی جے پی کی طرف سے کیجریوال کے خلاف رچی گئی سازش سے کافی ناراض ہے۔
اشاعتیں
0 تبصرے