جمعیت علماء مدنی روڈ کا ایک وفد کل معائنہ کیا آج مفتی اسمٰعیل قاسمی مالیگاؤں واپسی پر قلعہ غالب نگر کا دورہ کیا

 

مفتی اسمٰعیل قاسمی نے کہا کہ ماضی کی طرح اس آگ متاثرہ مکانات کو بھی جمعیت علماء تعمیر کرکے دیں گی

ایڈوکیٹ گریش بورسے کی جانب سے ایک مکان متاثر کو سلائی مشین دی گئی

مالیگاوں ( پریس ریلیز ) بروز جمعہ عصر کے فوراً بعد جمعیت علماء مالیگاؤں کے صدر مفتی اسمٰعیل قاسمی اپنے دیگر ساتھیوں ایڈوکیٹ گریش بورسے، عبدالماجد حاجی، رمضو ممبر، حافظ عبداللہ، ساجد ممبر وغیرہ کے ساتھ گزشتہ روز قلعہ غالب نگر میں دو آگ متاثر مکان کا دورہ کیا، آگ کی زد میں متاثرہ مکان کا جائزہ لیتے ہوئے نقصان کی صورتحال سے واقف ہوۓ، اس موقع پر میڈیا سے گفتگو کرتے ہوئے مفتی اسمٰعیل قاسمی نے کہا کہ قلعہ کے غالب نگر میں شارٹ سرکٹ کے باعث عبدالواحد ٹیلر کے گھر میں آگ لگ گئی تھی اسی آگ کی زد میں سامنے مزید ایک گھر بھی آگ سے متاثر ہوا، دو روز قبل آگ لگی تھی مَیں بیرون شہر اپنے ذاتی کام کیلئے گیا ہوا تھا۔(جاری)

آج صبح میری واپسی ہوئی، لیکن جمعیت علماء مدنی روڈ کا ایک وفد یہاں پر دورہ کرکے جائزہ لےکر گیا ہے مجھے اپنے ایک ساتھی سابق کوآپ کارپوریٹر ایڈوکیٹ گریش بورسے فون پر بات چیت ہوئی تھی کہ وہ آگ متاثر مکان کے ایک ذمہ دار عبدالواحد ٹیلر جنکا پیسہ ٹیلرنگ کام ہے اس کو ایک عدد سلائی مشین دینا چاہتے ہیں البتہ مقامی جمعیت کے اراکین سے بات چیت ہوئی تھی کل وہ لوگ سروے کیے تھے میری بھی ذمہ داری تھی آج مَیں یہاں پر آیا ہوں، ہم جمعیت علماء کے احباب کا مشورہ ہوگیا ہے کہ ان شاءاللہ جو مکان آگ سے جلے ہوئے ہیں اسکی تعمیر کرکے دی جائے گی۔(جاری)

جمعیت علماء مدنی روڈ پورے شہر کے اندر جہاں کہیں اس طرح کے حادثات واقعات پیش آتے ہیں آگ لگتی ہیں تو ہم لوگ مکانات بناکرکے دیتے ہیں، ماضی میں عائشہ نگر علاقے نور نگر میں کل 31 مکانات آگ سے متاثر ہوۓ تھے وہ تمام اکتیس مکانات جو جزوی و کلی طور پر جل گئے تھے 45 لاکھ روپے سے زائد روپیوں سے ان مکانات کی تعمیر کرکے دیے گئے ہیں، ان شاءاللہ یہ مکان بھی جو آگ لگنے سے جل گئے ہیں انکو تعمیر کرکے دیں گی اسطرح کا فیصلہ نائب صدر محمد مکی، جنرل سیکرٹری عبدالمالک بکرا، خازن انیس فہمی سمیت ورکنگ کمیٹی کے تمام افراد کا مشورہ ہوا ہے اور انکے مشورے کے ساتھ مَیں آج اس بات کا اعلان کرتا ہوں جمعیت علماء مدنی روڈ جو آگ سے نقصان پہنچا ہے وہ مکان بناکرکے دیں گے. ایڈوکیٹ گریش بورسے کی جانب سے سلائی مشین مفتی اسمٰعیل قاسمی کے ہاتھوں عبدالواحد ٹیلر کو دی گئی.