نئی دہلی: جماعت اسلامی ہند کے امیر سید سعادت اللہ حسینی نے میڈیا کو جاری اپنے ایک بیان میں بیروت پر اسرائیل کے فضائی حملے کی مذمت کی اور کہا کہ لبنان کے شہر بیروت پر اندھا دھند فضائی حملے غیر انسانی ہے ۔بتادیں کہ اسرائیل کے حالیہ حملوں میں حزب اللہ کے سربراہ حسن نصر اللہ سمیت تقریبا 40 افراد کی موت ہوگئی۔(جاری)
امیر جماعت نے کہا کہ ’’ اسرائیل نے حزب اللہ کے ہیڈ کوارٹر کو تباہ کرنے کےلیے گنجان آبادی والے علاقے میں بنکر بسٹر بم کا استعمال کیا جبکہ جینوا کنونشن کی رُو سے اس کا استعمال قطعی غیر قانونی ہے ۔ اسرائیل اپنی کارروائیوں کے ذریعہ مستقل عالمی قوانین کی کھلے عام خلاف ورزی کررہا ہے۔(جاری)
حزب اللہ سربراہ کی موت کے بعد ماہرین اس بات کا خدشہ ظاہر کررہے ہیں کہ اس سے علاقائی کشیدگی میں مزید اضافہ ہوگا۔ یہ صورت حال پورے عالم انسانیت کے لیے انتہائی تشویشناک ہے، لہٰذا ہم بین الاقوامی برادری اور اقوام متحدہ سے پرزور مطالبہ کرتے ہیں کہ وہ آگے بڑھ کر مشرق وسطیٰ میں کشیدگی کو بڑھنے اور ہنگامہ آرائی کو روکنے کےلیے ٹھوس اقدامات کرے۔
اشاعتیں
0 تبصرے