نئی دہلی: جموں و کشمیر میں نافذ صدر راج کو منسوخ کردیاگیاہے۔ اس سلسلہ میں صدرجمہوریہ گزٹ نوٹیفیکیشن جاری ہے۔ اس نو ٹیفیکیشن میں بتایا گیاہے کہ مرکز کے زیر انتظام علاقے میں حکومت سازی سے پہلے صدر راج کے نفاذ کو ختم کردیاگیاہے۔ اس نئے وزیراعلیٰ کے تقرری کے عمل سے پہلے ایسا کیاگیاہے۔ اس گزٹ نوٹیفیکیشن سے جموں وکشمیر میں نئے وزیراعلیٰ کے حلف برادری کے لئے راستہ صاف ہوگیاہے۔ اس سے قبل نیشنل کانفرنس کے رہنما عمر عبداللہ جموں و کشمیر میں حکومت بنانے کا دعویٰ پیش کرنے سری نگر کے راج بھون پہنچے تھے۔ جموں و کشمیر کی بارہمولہ سیٹ سے لوک سبھا کے رکن شیخ عبدالرشید عرف انجینئر رشید نے ہفتہ کو لیفٹیننٹ گورنر منوج سنہا سے ملاقات کی اور انہیں لوگوں کے مسائل سے واقف کروایاتھا..(جاری)
راشد کی عوامی اتحاد پارٹی (اے آئی پی) نے یہاں ایک بیان میں کہا کہ انجینئر رشید نے لیفٹیننٹ گورنر کو شمالی کشمیر کے لوگوں کے مطالبات سے آگاہ کیا۔ لوک سبھا کے رکن نے لیفٹیننٹ گورنر سے برطرف سرکاری ملازمین کے معاملات پر دوبارہ غور کرنے کی بھی اپیل کی۔ انہوں نے لیفٹیننٹ گورنر کو پولیس کی تصدیق کروانے میں لوگوں کو درپیش مسائل سے بھی آگاہ کیا۔ بیان کے مطابق راشد نے مطالبہ کیا ہے کہ پولیس کی جانب سے تصدیق کے نام پر نوجوانوں اور دیگر کو ہراساں کرنے کا سلسلہ فوری طور پر بند کیا جائے۔(جاری)
وہیں بھارتیہ جنتا پارٹی (بی جے پی) جموں و کشمیر یونٹ کے سربراہ رویندر رینا نے کہا کہ ان کی پارٹی جموں و کشمیر میں اہم اپوزیشن کے طور پر اپنی ذمہ داری پوری کرے گی۔ رائنا نے یہ بھی امید ظاہر کی کہ نیشنل کانفرنس کی قیادت والی حکومت دہشت گردی اور علیحدگی پسندی کے خلاف سخت کارروائی کرے گی اور امن اور بھائی چارہ ہوگا۔ انہوں نے یہ بھی کہا کہ کشمیر میں بی جے پی کے حمایت یافتہ آزاد امیدواروں اور کچھ ہم خیال جماعتوں کی خراب کارکردگی نیشنل کانفرنس۔کانگریس اتحاد کے اکثریتی نشان کو چھونے کی وجہ ہے۔(جاری)
رائنا نے کہا کہ ‘بی جے پی نے 29 اسمبلی سیٹیں جیت کر اور سب سے زیادہ ووٹ فیصد حاصل کرکے اپنی بہترین کارکردگی دکھائی۔ ہم عوام کے شکر گزار ہیں اور اس شاندار کارکردگی میں وزیر اعظم نریندر مودی، مرکزی وزیر داخلہ امیت شاہ اور پارٹی صدر جے پی نڈا کے کردار کو بھی تسلیم کرتے ہیں۔(جاری)
جموں و کشمیر بی جے پی کے سربراہ یہاں پارٹی ہیڈکوارٹر میں صحافیوں سے بات کررہے تھے۔ رائنا، جو راجوری ضلع میں اپنے آبائی حلقہ نوشہرہ سے نیشنل کانفرنس کے سریندر چودھری سے ہار گئے، نے کہا کہ بی جے پی کی نظریں 35 سیٹوں پر ہیں اور اس نے کشمیر سے پارٹی کے حمایت یافتہ آزاد اور ہم خیال گروپوں کے ساتھ حکومت بنانے کا منصوبہ بنایا ہے۔
اشاعتیں
0 تبصرے