نئی دہلی: عام آدمی پارٹی (اے اے پی) نے پیر کو آئندہ دہلی اسمبلی انتخابات کے لئے 20 امیدواروں کی دوسری فہرست جاری کی۔ اس فہرست میں عآپ نے بڑا دائو کھیلا ہے اور دہلی کے 14 موجودہ ایم ایل اے کے ٹکٹ منسوخ کر دیے ہیں۔ 2 ایم ایل اے کے بیٹوں کو ٹکٹ دیا گیا ہے اور 3 امیدواروں کی سیٹیں تبدیل کی گئی ہیں۔(جاری)
کن ایم ایل اے کے ٹکٹ کاٹے گئے؟
اروند کیجریوال کی قیادت والی عآپ نے دوسری فہرست میں 14 موجودہ ایم ایل اے کے ٹکٹ منسوخ کر دیے ہیں۔ جن موجودہ ایم ایل اے کو ٹکٹ نہیں دیا گیا ان میں شرد چوہان (نریلا)، دلیپ پانڈے (تیمار پور)، پون شرما (آدرش نگر)، دھرم پال لکرا (منڈکا)، پرہلاد سنگھ ساہنی (چاندنی چوک) شامل ہیں۔ چاندنی چوک اسمبلی کے ایم ایل اے پرہلاد سنگھ ساہنی کے بیٹے پورندیپ سنگھ ساہنی کو ٹکٹ دیا گیا ہے۔(جاری)
گریش سونی (ماڑی پور)، راجیش رشی (جنک پوری)، بھوپندر سنگھ جون (بجواسن)، بھاونا گوڑ (پالم)، پرکاش جروال (دیولی)، روہت کمار مہرولیا (ترلوک پوری)، پروین کمار (جنگ پورہ) اور حاجی یونس (مصطفی آباد)، ایس کے بگا (کرشنا نگر)۔ کرشنا نگر کے ایم ایل اے ایس کے بگا کے بیٹے وکاس بگا کو ٹکٹ دیا گیا ہے۔(جاری)
یہاں 3 رہنماؤں کی سیٹیں تبدیل کر دی گئیں۔
اس فہرست میں منیش سسودیا، پروین کمار اور راکھی برلن کی سیٹیں تبدیل کی گئی ہیں۔ سسودیا نے پتپڑ گنج سیٹ چھوڑ دی ہے اور وہ جنگپورہ سے الیکشن لڑیں گے۔ اودھ اوجھا کو پٹپڑ گنج سیٹ سے ٹکٹ دیا گیا ہے۔ راکھی برلن (منگول پوری کی بجائے ماڑی پور) اور پروین کمار (جنگ پورہ کے بجائے جنک پوری) سے الیکشن لڑیں گی۔
اشاعتیں
0 تبصرے