یوکرین کے ساتھ جاری جنگ کے درمیان روس کے شہر کازان پر ایک بڑا ڈرون حملہ ہوا ہے۔ یہ شہر دارالحکومت ماسکو سے 800 کلومیٹر دور ہے۔ حال ہی میں اس شہر میں برکس ممالک کی ایک کانفرنس منعقد ہوئی تھی، جس میں وزیراعظم نریندر مودی نے شرکت کی تھی۔ بتادیں کہ اس حملے کی خبر ٹیلی گرام میسجنگ ایپ کے ذریعے دی گئی ہے۔ کازان ایئرپورٹ اتھارٹی نے کہا کہ یوکرین کے ڈرون حملے کے بعد پروازوں کی آمد و رفت عارضی طور پر روک دی گئی ہے۔(جاری)
روس کی سرکاری خبر رساں ایجنسیوں نے ماسکو سے 500 میل (800 کلومیٹر) مشرق میں واقع شہر کازان میں کم از کم چھ ٹاورز پر ڈرون حملوں کی اطلاع دی ہے۔ ٹی اے ایس ایس ایجنسی نے کہا کہ آٹھ ڈرون حملے ریکارڈ کیے گئے ہیں، جن میں سے چھ سوسائٹی کے ٹاورز پر ہوئے ہیں۔ میڈیا رپورٹس کے مطابق کمیلیوا ایونیو (دو ڈرونز)، کلارا ٹسیٹکن اسٹریٹ، یوتازنسکیا اسٹریٹ، کھادی تاکتاش اسٹریٹ، کراسنایا پازتسیا اور آرینبرگسکی ٹریکٹ پر ایک عمارت کو ڈرون حملے کا نشانہ بنایا گیا ہے۔(جاری)
خبر رساں اداروں نے مقامی حکام کا حوالہ دیتے ہوئے اس حملے کی اطلاع دی۔ بتایا جا رہا ہے کہ حملے میں کسی جانی نقصان کی کوئی خبر نہیں ہے۔ روس کی سیکورٹی سروسز کے نزدیکی ٹیلی گرام چینل نے ویڈیو فوٹیج شیئر کیا ہے۔ اس میں ایک ہوائی چیز ایک اونچی عمارت سے ٹکراتی نظر آرہی ہے جس کی وجہ سے آگ کا ایک بڑا گولہ نکلتا ہوا نظر آرہا ہے۔ بتایا جا رہا ہے کہ کازان کے شمال مشرق میں ایک چھوٹے سے شہر ایزیوسک کے ہوائی اڈے پر بھی عارضی پابندی عائد کی جا رہی ہے۔(جاری)
یوکرین پر الزام
روسی حکومت نے ڈرون حملے کے پیچھے یوکرین کا ہاتھ ہونے کا الزام عائد کیا ہے۔ حملے کے بعد کازان میں حکام نے ہنگامی ردعمل کی کوششیں شروع کیں اور متاثرہ عمارتوں سے مکینوں کو نکالا۔
اشاعتیں
0 تبصرے