اسدالدین اویسی نے مالیگاوں شہر میں مولانا سجاد نعمانی کو لیا آڑے ہاتھ ۔۔کہا ! سیاست نہیں آتی تو خاموش رہیں

 

مالیگاوں / مہاراشٹر اسمبلی انتخابات میں مالیگاوں سینٹرل سے آل انڈیا مجلس اتحاد المسلمین کے مفتی اسمعیل قاسمی دوبارہ ایم ایل اے منتخب ہوئے ، مفتی کی جیت کے بعد مہاراشٹر میں اب مجلس کی ایک سیٹ بچ گئی ہے ۔ اسی تناظر میں مالیگاوں شہر کے مشاورت چوک میں ایک جلسہ عام منعقد کیا گیا تھا جس کا نام جشن فتح، اظہار تشکر دیا گیا تھا ، اس جشن فتح کے موقع پر یہاں آل انڈیا مجلس اتحاد المسلمین کے چیف اسدالدین اویسی ، امتیاز جلیل ، نصیر صدیقی سمیت حیدرآباد یاقوتپورہ کے مجلسی ایم ایل اے جعفر حسین معراج نے شرکت کی ۔ اس دوران یہاں ہزاروں لوگوں نے جلسے میں شرکت کرتے ہوئے جلسے کو کامیاب بنایا ۔ (جاری)

اپنے خطاب کے دوران بیرسٹر اسدالدین اویسی نے پہلے مالیگاوں شہر کی عوام کا شکریہ ادا کیا ، اور مہاراشٹر میں مسلم لیڈر شپ کو لیکر کئی اہم پیغامات بھی دئے ، انہوں نے دوران خطاب سجاد نعمانی پر نشانہ سادھتے ہوئے صاف صاف کہہ دیا کہ کہاں ہیں وہ سمرتھن (حمایت ) کا اعلان کرنے والے، انہوں نے مزید کہا کہ اگر سیاست نہیں آتی ، نہیں سمجھتی تو خاموش رہو ، اللہ سے ہماری کامیابی کے لئے دعا کرتے لیکن نہیں ، یہ ایسے حمایتی بیان عین الیکشن کے وقت دینے سے کس کو فائڈہ ہوا آج پورا مہاراشٹر دیکھ رہا ہے ۔ اگر کل بی جے پی اور آر ایس ایس والے کچھ بھی الٹا سیدھا کرینگے تو ہم ہی آگے آنے والے ہیں ۔ (جاری)

اپنے خطاب میں موصوف نے پرجوش اندازہ میں کہا کہ میں یہ بات ہرگز نہیں بولتا لیکن میری مجبوری ہے اور آج مجھے بولنا ہے ، انہوں نے پھر سجاد نعمانی کو کہا ، اب کہاں گئے ، الیکشن ہوگیا ، نتیجے سامنے آگئے ، دیکھ لو ۔ سب آنکھ کے سامنے ہے ۔ اسدالدین اویسی نے مزید کہا تم کب تک ملک میں نفرت کی بیچ بوتے رہینگے ، ہم اور ہماری پارٹی نے ہمیشہ اتحاد کی بات کی ، مسلم لیڈر شپ کو آگے بڑھانے کا کام کیا لیکن جن کی ہم عزت کرتے ہیں جب وہ اسطرح کے بیانات دیتے رہینگے تو ہم کیا کرینگے ۔!...