بس اتنی سی بات پر کردیا قتل ، پھر پتھر سے بیوی کا سر کچلا

 

اتر پردیش کے مہوبہ ضلع میں ایک سنسنی خیز واقعہ سامنے آیا ہے۔  پولیس نے پیر کو بتایا کہ ایک 33 سالہ شخص نے دونوں کے درمیان گرما گرم بحث کے بعد اپنی بیوی کو قتل کر دیا۔  یہ واقعہ ضلع کے سٹی کوتوالی علاقے کے محلہ ستی پورہ میں پیش آیا۔  بیوی کے قتل کے بعد گاؤں میں سنسنی پھیل گئی۔  اہل علاقہ نے قتل کی واردات کی اطلاع پولیس کو دی۔(جاری)

 بیوی موقع پر ہی دم توڑ گئی۔

 اس معاملے کی جانکاری دیتے ہوئے ایک سینئر پولیس افسر نے بتایا کہ جوڑے کے تین بچے ہیں۔  مہوبا ضلع کی ایڈیشنل سپرنٹنڈنٹ آف پولیس (اے ایس پی) وندنا سنگھ نے کہا، 'اتوار کی دوپہر مہندر کمار (33) اور اس کی بیوی میرا کے درمیان کسی بات پر جھگڑا ہوا۔  پھر غصے میں مہندر نے اپنی بیوی کا سر پتھر سے کچل دیا جس کی وجہ سے وہ موقع پر ہی دم توڑ گئی۔ (جاری)

بیوی کو قتل کر کے 3 بچوں سمیت فرار

 وندنا سنگھ نے کہا، 'اپنی بیوی کی موت کے بعد مہندر نے کمرے کو تالا لگا دیا۔  اپنے تین بچوں ارون (7)، وویک (5) اور ارچنا (2) کے ساتھ بھاگ گیا۔  انہوں نے بتایا کہ پڑوسیوں کی اطلاع پر پولیس نے شام کو کمرے کا تالا توڑ کر خاتون کی خون میں لت پت لاش برآمد کی۔(جاری)

 پولیس مفرور شوہر کی تلاش میں مصروف

 پولیس نے بتایا کہ لاش کو پوسٹ مارٹم کے لیے بھیج دیا گیا ہے۔  پولیس ٹیم مفرور شوہر کی تلاش کر رہی ہے۔  پولیس اس معاملے میں مقامی لوگوں سے بھی پوچھ گچھ کر رہی ہے۔  مقتول شوہر کے رشتہ داروں اور آس پاس کے گاؤں میں اس کی تلاش جاری ہے۔