مولانامختار احمد ندوی ٹیکنیکل کیمپس) (ایم ایم اے این ٹی سی میں سہ روزہ"تھری ڈی پرنٹنگ" ورکشاپ کا انعقاد

 

مالیگاؤں (پریس ریلیز) مولانامختار احمد ندوی  ٹیکنیکل کیمپس ) (ایم ایم اے این ٹی سی منصورہ میں  شعبہ میکانیکل انجینئرنگ کیجانب سے 27تا 29 جنوری ایک سہ روزہ ورکشاپ بعنوان "تھری ڈی پرنٹنگ" کا انعقاد سیمینار ہال میں کیا گیا۔ڈاکٹر دلاورحسین(ہیڈ، ڈپارٹمنٹ انجینئرنگ) نے اس ورکشاپ کے اغراض و مقاصد پیش کئے۔ نیز اس ورکشاپ میں شریک ڈگری وڈپلومہ انجینئرنگ کے طلباءو طالبات سے کہا کہ اس ورکشاپ کا مقصد طلباءکوجدید ٹیکنالوجی(ایڈیٹیو مینوفیکچرنگ)کے اصولوں اور عملی مہارتوں سے روشناس کرانا ہے۔ (جاری)

اس ورکشاپ میں بطور ماہرین ڈاکٹر تنویر عالم، ڈاکٹر عاکف انجم،پروفیسرشہزاد محوی اورپروفیسر شاداب اظہرنے "تھری ڈی پرنٹنگ"کے مختلف موضوعات پر مدلل و اطمینان بخش گفتگوکی جیسے "تھری ڈی پرنٹنگ"کا بنیادی تعارف، جدید مینوفیکچرنگ ٹیکنالوجی اور ان کی صنعتی اہمیت، ایڈیٹیو مینوفیکچرنگ مٹیریل کا مظاہرہ، پولیمر"تھری ڈی پرنٹنگ" کا عملی مظاہرہ، آٹوکیڈسافٹ ویئرکے ذریعے"تھری ڈی پرنٹنگ  ماڈل "کی تخلیق،کوڈزکی تیاری، ماڈل کی سمولیشن اور تھری بینڈزآف ٹریننگ کے زریعے پروڈکٹ ڈیولپمینٹ وغیرہ۔  نیز اس بات پر زور دیا گیا کہ"تھری ڈی پرنٹنگ"آج کےصنعتی دور  میں ایک انقلابی ٹیکنالوجی بن چکی ہے۔اس کی مدد سے کم لاگت،کم وقت  میں  پیچیدہ  ڈیزائن کی تیاری ممکن ہے۔آٹوموبائل، میڈیکل، ایرواسپیس اور دیگرصنعتوں میں اس ٹیکنالوجی کی مانگ میں دن بہ دن اضافہ ہوتاجارہاہے۔(جاری)

واضح ہوکہ یہ ورکشاپ جناب راشد مختار (سکریٹری ، جامعہ محمدیہ ) کی ایماء پر  اور ڈاکٹر شاہ عقیل احمد(پرنسپل) کی قیادت میں منعقد کیا گیا ۔ اس ورکشاپ میں  ڈاکٹر سلمان بیگ، ڈاکٹرمحمد  اظہراور  ڈاکٹر نوید حسین بنفس نفیس موجود تھے۔   اس ورکشاپ کے اختتام پر  پروفیسر نورالامین نے اظہارتشکر پیش کیا۔