اس بل کے خلاف 13 مارچ کو زبردست احتجاج کا اعلان ، ہمیں یہ بل منظور نہیں : مولانا ارشد مدنی کا بڑا اعلان

 

سہارنپور – آل انڈیا مسلم پرسنل لا بورڈ نے وقف بل کے خلاف 13 مارچ کو جنتر منتر پر احتجاجی مظاہرے کا اعلان کیا ہے۔ جمعیت علمائے ہند کے صدر ارشد مدنی نے کہا کہ ایسا لگتا ہے کہ غیر جمہوری پارٹیاں، جو جمہوریت کے خلاف ہیں، اس کوشش میں ہیں کہ خاص طور پر اقلیتی مسلمانوں کو آزادی کے ساتھ اپنے مذہب پر عمل کرتے ہوئے جینے نہ دیا جائے۔ ہم اس کے خلاف ہیں۔ ہم جمہوری اور آئینی حق کو مدنظر رکھتے ہوئے احتجاج کریں گے۔(جاری)

-13 مارچ کو جنتر منتر پر مظاہرہ

ارشد مدنی نے مزید کہا کہ 1991 کے عبادت گاہوں کے ایکٹ کے باوجود سیاسی پارٹیاں اس پر کوئی عمل نہیں کر رہیں۔ سنبھل یا وارانسی سمیت دیگر مساجد کے معاملات کو دیکھیں تو ایسا محسوس ہوتا ہے کہ جمہوریت اور آئین کی کوئی اہمیت نہیں ہے۔ اب مسلم پرسنل لا بورڈ نے 13 مارچ کو دہلی کے جنتر منتر پر ایک احتجاجی مظاہرے کا فیصلہ کیا ہے تاکہ جمہوری حیثیت سے اپنا احتجاج درج کرا سکیں۔ ہمیں یہ بل منظور نہیں ہے۔(دیکھیں ویڈیو)

وقف ترمیمی بل کے سلسلے میں مسلم پرسنل لا بورڈ اور تمام ملی تنظیموں نے ہر سطح پر اس کا تعاقب کیا تھا ! سنیے مولانا ارشد مدنی صاحب کیا کہہ رہے ہیںpic.twitter.com/YK0VEtYr4z

— Millat Times اردو (@MillatUrdu) March 8, 2025

جمعیت علمائے ہند کے صدر نے مزید کہا کہ ہم قانونی دائرے میں رہتے ہوئے آخری حد تک وقف کو بچانے کی قانونی لڑائی لڑیں گے۔ وقف بل ہمارے حقوق دلانے کے لیے نہیں بلکہ چھیننے کے لیے لایا جا رہا ہے۔