مہاراشٹر کے اورنگ آباد میں واقع ایک بازار میں جمعرات کی صبح آگ لگ گئی، جس سے تقریباً 20 دکانیں متاثر ہوئیں۔ ایک افسر نے یہ معلومات فراہم کیں۔افسر کے مطابق، اس واقعے میں کسی جانی نقصان کی اطلاع نہیں ملی ہے۔ ایک فائر بریگیڈ افسر نے بتایا کہ آزاد چوک علاقے میں سینٹرل ناکا کے قریب واقع بازار میں صبح تقریباً پانچ بجے آگ بھڑک اٹھی۔ اس علاقے میں کئی فرنیچر کی دکانیں موجود ہیں۔(جاری)
افسر نے مزید بتایا کہ آگ کی وجہ سے 15 سے 20 دکانیں متاثر ہوئیں۔ انہوں نے کہا، "ہمیں صبح تقریباً ساڑھے پانچ بجے آگ لگنے کی اطلاع ملی، اور فوری طور پر چھ فائر بریگیڈ گاڑیاں موقع پر روانہ کی گئیں۔ بعد میں، مہاراشٹر انڈسٹریل ڈیولپمنٹ کارپوریشن (ایم آئی ڈی سی) اور 'گروارے انڈسٹریز' کی کچھ فائر بریگیڈ گاڑیاں بھی آگ بجھانے کے لیے پہنچ گئیں۔" انہوں نے مزید کہا کہ آگ بجھانے کی کوششیں جاری ہیں اور فی الحال آگ لگنے کی وجہ معلوم نہیں ہو سکی ہے۔ اس معاملے میں پولیس نے پنچ نامہ شروع کردیا ہے ۔(جاری)
اشاعتیں
0 تبصرے