چار لوگوں کو کچلنے کے بعد ڈرائیور کار سے باہر نکل کر لگانے لگا نعرے ۔۔۔

 

وڈودرا: ضلع میں دیر رات ایک کار سوار نے کئی لوگوں کو ٹکر مار دی۔ یہ حادثہ کاریلی باغ کے علاقے امرپالی میں پیش آیا۔ اس خوفناک حادثے میں ایک خاتون کی موت ہو گئی، جبکہ چار افراد شدید زخمی ہو گئے۔ زخمیوں میں ایک کمسن بچی بھی شامل ہے۔ حادثے کے بعد سڑک پر لوگوں کی بھاری بھیڑ جمع ہو گئی۔ حادثہ اتنا شدید تھا کہ کار کا ایئر بیگ بھی کھل گیا۔(جاری)

کار سے اتر کر چلّاتا رہا شخص

حادثے کے بعد بھی ملزم اس قدر نشے میں تھا کہ وہ اپنے ہوش و حواس کھو بیٹھا اور سڑک پر اتر کر بلند آواز میں چیخنے لگا۔ اس کا ایک ویڈیو بھی سامنے آیا ہے، جس میں وہ "ایندر راؤنڈ... ایندر راؤنڈ... اوم نمہ شیوائے..." چلّاتا دکھائی دے رہا ہے۔ ویڈیو دیکھ کر اندازہ لگایا جا سکتا ہے کہ یہ شخص نشے میں کس قدر دھت تھا۔ حادثے کے باعث نبیرا کار کا ایئر بیگ کھل گیا اور بونٹ بری طرح تباہ ہو گیا۔ جیسے ہی کار رکی، ملزم باہر نکلا اور چیختا ہوا سڑک پر آ گیا۔ تاہم، حادثہ اتنا شدید تھا کہ راہگیروں نے اسے پکڑ کر پولیس کے حوالے کر دیا۔(جاری)

سی سی ٹی وی فوٹیج سامنے آئی

ڈی سی پی پنا مومایا نے بتایا کہ اس حادثے میں ایک خاتون جاں بحق ہوئی ہیں جبکہ چار افراد زخمی ہیں، جن کا اسپتال میں علاج جاری ہے۔ پولیس نے گاڑی چلانے والے ملزم کو گرفتار کر لیا ہے، جس کی شناخت رویش چوراسیا کے طور پر ہوئی ہے، جو وارانسی کا رہائشی اور قانون کا طالب علم ہے۔ اس کے ساتھ ایک دوست بھی گاڑی میں موجود تھا، جو فی الحال فرار ہے۔ اس کی گرفتاری کے لیے مختلف ٹیمیں تشکیل دی گئی ہیں۔ مزید معلومات اور اوور اسپیڈنگ سے متعلق تفصیلات اکٹھی کی جا رہی ہیں۔ پولیس معاملے کی تحقیقات کر رہی ہے۔