لکھنؤ ایکسپریس وے پر ریفائنڈ سے بھرا ٹینکر بس سے ٹکرا گیا، مدد کی بجائے... بوتل اور بالٹی لے کر دوڑے لوگ ، مچی لوٹ مار

 

آگرہ کے تھانہ فتح آباد علاقے میں لکھنؤ ایکسپریس وے کے کلومیٹر 34.800 پر مسافروں سے بھری بس ایک ریفائنڈ سے بھرے ٹینکر سے ٹکرا گئی۔ حادثے میں بس میں سوار افراد زخمی ہو گئے، جبکہ ٹینکر بھی بری طرح متاثر ہوا اور اس میں سے ریفائنڈ بہنے لگا۔ یہ دیکھ کر لوگ بوتلیں اور بالٹیاں لے کر دوڑ پڑے اور ریفائنڈ لوٹنے کے لیے ہجوم جمع ہو گیا۔(جاری)

موصولہ اطلاعات کے مطابق، بدھ کی صبح 7:30 بجے لکھنؤ کی طرف سے آگرہ کی جانب جا رہی مسافروں سے بھری بس تھانہ فتح آباد کے علاقے میں لکھنؤ-آگرہ ایکسپریس وے کے کلومیٹر 34.800 پر آگے چل رہے ریفائنڈ کے ٹینکر سے ٹکرا گئی۔ اس ٹکر کے بعد بس میں چیخ و پکار مچ گئی، جبکہ دو مسافر زخمی ہونے کی اطلاع ہے۔(جاری)

دوسری جانب، بس کی ٹکر کے باعث ٹینکر کا پچھلا حصہ شدید متاثر ہوا اور اس میں سے ریفائنڈ بہنے لگا۔ بڑی تعداد میں دیہاتی ہاتھوں میں بالٹیاں، ڈرم اور کین لے کر موقع پر پہنچ گئے اور ریفائنڈ لوٹنے لگے۔ اطلاع ملتے ہی پولیس فورس موقع پر پہنچی، لیکن پھر بھی دیہاتی باز نہ آئے۔ بعد میں پولیس نے لوگوں کو بھگا دیا۔ زخمیوں کو علاج کے لیے اسپتال منتقل کر دیا گیا ہے۔