نئے وقف قانون کے خلاف احتجاج کر رہے آل انڈیا مسلم پرسنل لا بورڈ نے مظاہروں کے طویل پروگرام کا اعلان کر دیا ہے۔ اس احتجاج کا پہلا مرحلہ 10 اپریل سے شروع ہو گا جو 7 جولائی تک جاری رہے گا۔ بورڈ کی طرف سے کہا گیا ہے کہ "وقف بچاؤ مہم" شاہ بانو معاملے کی طرح شہر سے لے کر دیہات تک چلائی جائے گی۔ اس مہم کے تحت دہلی کے تالکٹورا اسٹیڈیم سے لے کر رام لیلا میدان تک بڑے پروگرام کیے جائیں گے۔ اس کے ساتھ ہی تمام ریاستوں کی راجدھانیوں میں دھرنے اور گرفتاری کے پروگرام منعقد ہوں گے۔
جمعہ کی نماز کے بعد لوگ "ہیومن چین" بنا کر اپنا احتجاج درج کرائیں گے۔ بورڈ نے 30 اپریل کو رات 9 بجے "بلیک آؤٹ" کی بھی اپیل کی ہے۔ اب ہم آپ کو بتاتے ہیں کہ بورڈ نے وقف قانون کے خلاف کس طرح کی تیاریاں کی ہیں(جاری)
وقف قانون کے خلاف مسلم بورڈ کی تیاری
دس اپریل سے 7 مئی تک احتجاج کا پہلا مرحلہ
بائیس 22اپریل کو دہلی کے تالکٹورا اسٹیڈیم میں "تحفظِ اوقاف" کے نام پر پروگرام
سات 7 مئی کو دہلی کے رام لیلا میدان میں بڑا پروگرام
تمام ریاستوں کی راجدھانیوں میں دھرنے اور گرفتاری کی کارروائیاں
جمعہ کی نماز کے بعد "ہیومن چین" بنا کر احتجاج
تیس 30 اپریل کو رات 9 بجے گھروں، فیکٹریوں، دفاتر میں "بلیک آؤٹ"
ہر ضلع ہیڈکوارٹر پر دھرنا دے کر صدر جمہوریہ کو یادداشت پیش کی جائے گی
ملک کے 50 بڑے شہروں میں پریس کانفرنسز
تمام بڑے شہروں میں دانشور طبقے کے ساتھ ملاقاتیں
بورڈ کی خواتین وِنگ مختلف مقامات پر پروگرام منعقد کرے گی(جاری)
مسلم بورڈ اگلے تین ماہ میں کیا کرنے والا ہے؟
وقف ترمیمی بل کے خلاف "وقف بچاؤ مہم" کے پہلے مرحلے کا آغاز 10 اپریل سے ہو گا اور یہ 7 جولائی تک چلے گا۔ "تحفظِ اوقاف کارواں" کے تحت دہلی کے تالکٹورا اسٹیڈیم میں 22 اپریل کو بڑا پروگرام ہوگا، جب کہ 7 مئی کو دہلی کے رام لیلا میدان میں بھی بڑا جلسہ منعقد کیا جائے گا۔ تمام ریاستوں کی راجدھانیوں میں دھرنے اور گرفتاری کے پروگرام منعقد کیے جائیں گے۔ جمعہ کی نماز کے بعد "ہیومن چین" بنا کر لوگ اپنا احتجاج درج کرائیں گے۔(جاری)
مسلم بورڈ نے عوام سے اپیل کی
بورڈ نے عوام سے اپیل کی ہے کہ 30 اپریل کی رات 9 بجے اپنے گھروں، فیکٹریوں، دفاتر کی لائٹ بند کر کے آدھے گھنٹے کے لیے احتجاج درج کرائیں۔ ہر ضلع ہیڈکوارٹر پر دھرنا دے کر ضلعی مجسٹریٹ کے ذریعے صدر جمہوریہ کو یادداشت بھیجی جائے گی۔ ملک کے 50 بڑے شہروں جیسے دہلی، ممبئی، حیدرآباد، رانچی، لکھنؤ، احمد آباد میں پریس کانفرنسز کی جائیں گی۔ ان تمام بڑے شہروں میں دانشور طبقے کے ساتھ ملاقاتیں ہوں گی اور انہیں وقف بل کے نقصانات سے آگاہ کیا جائے گا۔ خواتین کو بیدار کرنے کے لیے آل انڈیا مسلم پرسنل لا بورڈ کی خواتین ونگ مختلف مقامات پر پروگرام منعقد کرے گی۔
اشاعتیں
.jpeg)
0 تبصرے