ملک کی 22 ریاستوں میں بھیانک آندھی - طوفان کا ریڈ الرٹ جاری !... کیا آپ ریاست بھی ہے شامل ؟؟...

 

دہلی-این سی آر میں جمعہ کے روز آندھی اور طوفان کے ساتھ تیز بارش ہوئی۔ یوپی، بہار اور ہریانہ میں بھی تیز ہواؤں کے ساتھ بارش دیکھی گئی۔ دہلی میں آندھی کے ساتھ ہونے والی بارش کی وجہ سے ایک شخص کی موت ہو گئی۔ دہلی، یوپی سمیت 22 ریاستوں میں آندھی-طوفان کا الرٹ جاری کیا گیا ہے۔ بھارتی محکمہ موسمیات (آئی ایم ڈی) نے آج بھی دہلی سمیت کئی ریاستوں میں ہلکی بارش کی پیش گوئی کی ہے۔ جمعرات اور جمعہ کو ہوئی بارش سے لوگوں کو گرمی سے راحت ملی ہے۔

ملک کی 22 ریاستوں میں آندھی-طوفان کا الرٹ

اتر پردیش، ہریانہ اور مدھیہ پردیش سمیت ملک کی 22 ریاستوں میں ہفتہ کے روز آندھی، طوفان اور بارش کا الرٹ جاری کیا گیا ہے۔ ملک کی شمال مشرقی ریاستوں، خاص طور پر آسام، میگھالیہ، اروناچل سمیت کئی علاقوں میں آج شدید بارش کا امکان ہے۔ اس دوران ژالہ باری (اولے پڑنے) کا بھی امکان ظاہر کیا گیا ہے۔(جاری)

دہلی میں ہلکی بوندا باندی کے امکانات

دہلی کے درجہ حرارت میں کافی کمی آئی ہے۔ جہاں پہلے درجہ حرارت 42 ڈگری سیلسیس تک پہنچ رہا تھا، وہیں اب بارش کے بعد زیادہ سے زیادہ درجہ حرارت 32 ڈگری سیلسیس اور کم سے کم درجہ حرارت 19 ڈگری سیلسیس رہنے کا امکان ہے۔ ہفتے کے روز بھی دہلی کے آسمان پر بادل چھائے رہیں گے اور ہلکی بوندا باندی ہونے کے امکانات ہیں۔

مشرقی یوپی میں ژالہ باری کی پیش گوئی

یوپی کے کئی اضلاع میں آج گرج چمک کے ساتھ ہلکی سے درمیانی بارش اور تیز ہوائیں چلنے کا امکان ہے۔ مشرقی یوپی کے کچھ علاقوں میں ژالہ باری کی بھی پیش گوئی کی گئی ہے۔ لکھنؤ، بارہ بنکی، گورکھپور جیسے شہروں میں درجہ حرارت 30 ڈگری سیلسیس سے نیچے رہ سکتا ہے۔(جاری)

ہریانہ میں تیز ہواؤں کے ساتھ بارش کے امکانات

ہریانہ میں بکھری ہوئی بارش اور تیز ہواؤں کا امکان ہے۔ گڑگاؤں، سونی پت جیسے علاقوں میں موسم تبدیل ہو سکتا ہے، لیکن گرمی کا اثر برقرار رہے گا۔ زیادہ سے زیادہ درجہ حرارت 35 سے 38 ڈگری سیلسیس کے درمیان رہنے کا امکان ہے۔

بہار کے کئی اضلاع میں آندھی کی پیش گوئی

بہار میں ہلکی بارش کے ساتھ کچھ اضلاع میں ژالہ باری کا امکان ہے۔ بیگوسرائے، دربھنگہ، مدھوبنی جیسے علاقوں میں حالیہ دنوں میں آندھی اور بجلی گرنے سے نقصان ہوا ہے۔ محکمہ موسمیات نے آج بھی تیز ہواؤں (40-50 کلومیٹر فی گھنٹہ) کے ساتھ بارش کا الرٹ جاری کیا ہے۔ اس دوران درجہ حرارت 32 سے 35 ڈگری سیلسیس کے درمیان رہنے کا امکان ہے۔(جاری)

ایم پی کے کئی اضلاع میں بادل چھائے رہیں گے، ہلکی بارش کا امکان

مدھیہ پردیش کے مشرقی اور جنوبی حصوں میں ہلکی بارش اور بادل چھائے رہنے کی پیش گوئی کی گئی ہے۔ گوالیار، جبل پور، ریوا جیسے علاقوں میں موسم خوشگوار ہو سکتا ہے۔ زیادہ سے زیادہ درجہ حرارت 36 سے 40 ڈگری سیلسیس اور کم سے کم درجہ حرارت 20 سے 24 ڈگری سیلسیس کے درمیان رہنے کی توقع ہے۔