ایودھیا میں نہاتی ہوئی خاتون کا ویڈیو بنانے والا " سوربھ " گرفتار

 

اتر پردیش کے ایودھیا سے ایک شرمناک واقعہ سامنے آیا ہے۔ آپ کو بتا دیں کہ یہاں رام جنم بھومی کے وی آئی پی درشن مارگ گیٹ نمبر 3 کے سامنے واقع ایک گیسٹ ہاؤس میں جو کچھ ہوا، اسے جان کر سب حیران رہ گئے۔ الزام ہے کہ سوربھ نامی ایک نوجوان نہاتے وقت باتھ روم میں خواتین یاتریوں کی ویڈیو بنا رہا تھا۔ اسی دوران ایک خاتون نے ملزم سوربھ کو ویڈیو بناتے ہوئے دیکھ لیا۔ اس کے بعد پولیس کو اس واقعے کی اطلاع دی گئی، جس پر پولیس نے ملزم کو پکڑ لیا۔ وہیں پولیس کو بہرائچ کے رہنے والے ملزم سوربھ کے فون سے کئی اور غیر اخلاقی تصاویر اور ویڈیوز بھی ملی ہیں۔(جاری)

اب جانیے پورا معاملہ

معلومات کے مطابق، جمعہ کی صبح ساڑھے چھ بجے ایک خاتون یاتری باتھ روم میں نہا رہی تھی۔ تبھی اس نے ایک سایہ دیکھا۔ جب اس نے اوپر نظر دوڑائی تو دیکھا کہ سوربھ موبائل سے ویڈیو بنا رہا ہے۔ یہ دیکھ کر خاتون گھبرا گئی، چیختی ہوئی وہ باتھ روم سے باہر نکلی۔ آواز سن کر گیسٹ ہاؤس میں ٹھہرے دوسرے لوگ وہاں پہنچ گئے۔ اس کے بعد انہوں نے ملزم نوجوان کو دوڑ کر پکڑ لیا اور رام جنم بھومی تھانے کی پولیس کے حوالے کر دیا۔ پولیس نے جب ملزم کے فون کی جانچ کی تو خواتین کے نہاتے وقت کی 10 مزید ویڈیوز بھی برآمد ہوئیں۔(جاری)

متاثرہ خاتون نے کیا بتایا؟

متاثرہ خاتون نے 'میڈیا' کو بتایا:

"میں نہا رہی تھی، تبھی میری نظر اوپر پڑی تو ایک سایہ دکھائی دیا۔ پھر میں نے دیکھا کہ کوئی موبائل سے ویڈیو بنا رہا ہے۔ اس کے بعد میں ڈر گئی، چیخی اور کپڑے پہن کر فوراً باہر کی طرف بھاگی۔"(جاری)

آپ کو بتا دیں کہ جس گیسٹ ہاؤس میں یہ واقعہ پیش آیا ہے، وہ رام مندر کے گیٹ نمبر 3 سے صرف 50 میٹر کے فاصلے پر ہے۔ معلومات کے مطابق کچھ لوگ وارانسی سے رام مندر کے درشن کے لیے جمعرات کو ایودھیا آئے تھے۔ شام ہونے کی وجہ سے انہوں نے رام مندر کے قریب ہی "راجہ گیسٹ ہاؤس" میں دو کمرے بک کیے۔ انہی لوگوں میں خواتین بھی شامل تھیں، جن کے نہاتے وقت کی ویڈیوز ملزم سوربھ بنا رہا تھا۔ فی الحال، پولیس اس معاملے کی تفتیش کر رہی ہے۔